बादशहाच्या हातावर तुरी दिल्या
प्रश्न १.रिकाम्या जागी योग्य शब्द लिहा
१) शिवराय बादशाहाच्या दरबारात गेले ;त्या दिवशी औरंगजेब बादशाहाचा
पन्नासावा वाढदिवस होता .
२) आग्ऱ्याहून येताना सभाजीराजांना मथुरेत एका सुरक्षित ठिकाणी ठेवले.
३) कैदेतून निसटून शिवराय राजगडावर सुखरूप पोहोचले .
४) शिवराय जयसिंगच्या शब्दावर विश्वास ठेवून आग्ऱ्यास बादशाहाच्या भेटीस गेले .
प्रश्न २.एका वाक्यात उत्तरे लिहा.
१ ) आग्ऱ्याला जाण्यापूर्वी शिवरायांनी स्वराज्याचा कारभार कोणाच्या हाती सोपवला ?
उत्तर -आग्ऱ्याला जाण्यापूर्वी शिवरायांनी स्वराज्याचा कारभार आपल्या मातोश्री जिजाबाई यांच्या हाती सोपवला .
२ ) आग्ऱ्याच्या कैदेत शिवरायांच्या बरोबर कोण कोण राहिले ?
उत्तर -आग्ऱ्याच्या कैदेत शिवरायांच्या बरोबर हिरोजी फर्जंद व मदारी मेहतर हे
सेवक आणि संभाजीराजे राहिले .
३ ) आजार बरा व्हावा ; म्हणून शिवरायांनी काय केले ?
उत्तर -आजार बरा व्हावा ;म्हणून शिवरायांनी साधू व मौलवी यांना मिठाईचे पेटारे पाठवावयास सुरुवात केली .
४ ) कोणते कारण सांगून हिरोजी व मदारी कैदेतून निसटले ?
उत्तर -' महाराजांचे औषध आणायला जातो,' असे सांगून मदारी व हिरोजी कैदेतून
निसटले .
प्रश्न ३.दोन ते तीन वाक्यांत उत्तरे लिहा.
१) शिवरायांनी आपली सुटका करून घेण्यासाठी कोणती युक्ती केली ?
उत्तर - कैदेत शिवरायांनी आजारी असल्याचे सोंग केले .आजार बरा व्हावा ;म्हणून त्यांनी साधू व मौलवी यांना मिठाईचे पेटारे पाठवायला सुरुवात केली .पहारेकरी प्रथम ते पेटारे तपासून पाहत असत ; पण पुढे पुढे ते कंटाळले व पेटारे उघडून पाहीनासे झाले . ही संधी साधून एके दिवशी शिवराय व संभाजीराजे पेटाऱ्यांतून पसार झाले .
२ ) कैदेतून सुटल्यावर शिवराय व संभाजीराजे राजगडावर कसे पोहोचले ?
उत्तर -कैदेतून सुटल्यावर शिवरायांनी संभाजीराजांना मथुरेत एका सुरक्षित ठिकाणी ठेवले.वेषांतर करून शत्रूला झुकांडी देत देतशिवराय राजगडावर पोहोचले . पुढे दोन महिन्यांनी संभाजीराजेही राजगडावर सुखरूप पोहोचले .
